އަސްލު ޔަހޫދީން!

އަސްލު ޔަހޫދީންނަކީ ސަމާވީދީނަށް އީމާންވި މީހުންނެވެ. ސަމާވީދީނަކީ ތެދުމަގުގެ ދީނެވެ. އެއީ ބަނީއިސްރާއީލު ދަރިކޮޅެވެ. ޔައުގޫބުގެފާނުގެ ދަރިފަސްކޮޅެވެ. ހަމަކަށަވަރުން އަސްލު ދީނަކީ އިސްލާމްދީނެވެ. ހުރިހާ ނަބީންނާއި ރަސޫލުން ގޮވާލެއްވީ، ﷲގެ ދީނަށެވެ! ﷲ ލައުނަތްލެއްވި ފިރުއައުނަށް ކުރިމަތިވީ ހަމަ މިދީނެވެ. މިއަގީދާއެވެ.

ފަހެ، ދަންނައެވެ! މޫސާގެފާނު، ގައުމުގެ މީހުންނަށް ވިދާޅުވިއެވެ! "އޭ! އަހުރެންގެ قوم ގެމީހުންނޭވެ! مقدّس ވެގެންވާ ބިމަށް، "ބައިތުލްމަގްދިސް" އަށް ތިޔަބައިމީހުން ވަންނާށެވެ! އެ ބިމަކީ ތިޔަބައިމީހުންނަށްޓަކައި ﷲ ކަނޑައަޅުއްވާފައިވާ މުގައްދަސް ބިމެވެ. އަދި ތިޔަބައިމީހުން ފުރަގަސްދީ، އެނބުރި ނުގަންނާށެވެ! އޭރުން ތިޔަބައިމީހުން ގެއްލެނިވެގެންވާ ބަޔަކުކަމުގައި ވެގެން ހިނގައިދާނެތެވެ!"

އެހެނަސް އެބައިމީހުން ބަލިކަށިކަމުގެ އުޒުރުދައްކައި، ގޮތް ދޫނުކޮށް ދެކޮޅު ހަދަމުން އެބައިމީހުން މޫސާގެފާނަށް ރައްދުދެއްވާއި ބުންޏެވެ. އެރަށުގައި ތިބީ ޖައްބާރުންގެ ބައެކެވެ. އަހަރުމެންނަށް އެބައިމީހުންނާ ކުރިމަތިލާން ނުކެރޭނެއެވެ.

އަދި އެބައިމީހުންނާ ހަނގުރާމަ ކުރާނެ ބާރެއް އަހަރުމެންގެ ނެތެވެ. އެބައިމީހުން އެރަށުން ނުކުމެ، ހަނގުރާމައަކާ ނުލައި އަހަރުމެންނަށް އެރަށް ދީފިނަމަ އަހަރުމެން އެރަށަށް ވަދެފާނަމެވެ.

ފަހެ، ދަންނައެވެ! މިކަމުން ފެނިގެން މިދަނީ ޔަހޫދީންގެ ޠަބީޢަތެވެ. އެއީ ފިނޑިކަމާއި ބިރުގަތުމެވެ. އަދިވެސް އިތުރަށް އެމީހުން ދެންނެވޫއެވެ.

އޭ! موسى ގެފާނެވެ! އެމީހުން އެރަށުގައި ދެމިތިބިހައި ހިނދަކު އެއްގޮތަކަށްވެސް ތިމަންމެން އެރަށަކަށް ނުވަންނާނޫއެވެ. ފަހެ، ކަލޭގެފާނުގެ ވެރިރަސްކަލާނގެއާއި، ކަލޭގެފާނު ވަޑައިގެން އެމީހުންނާ ހަނގުރާމަ ކުރައްވާށެވެ! ތިމަންމެން މިތާނގައި ތިބޭނޫއެވެ. މިއީ ފެށުމުގައި ވެސް ހަނގުމައަށް ބިރުގަންނަ ބަލިކަށި ބައެކެވެ. މަރަށް ޖެހުލުންވާ ބައެކެވެ! ދެން މޫސާގެފާނު ވިދާޅުވިއެވެ!

މިއަޅާގެ ވެރިރަސްކަލާކޯއެވެ! މިއަޅާގެ އަޚު ހާރޫނުގެފާނު އާއި، މިއަޅާގެ އަމިއްލަ نفس މެނުވީ މިއަޅާޔަށް މިލްކުވެގެނެއް ނުވެއެވެ! ފަހެ، فاسق ވީ މީހުންނާއި އަޅަމެންނާ ދެމެދު ނިޔާއެއް ކުރައްވައިފާނދޭވެ! މިދުއާ މުސާގެފާނު ދެންނެވުމުން، ބަނީއިސްރާއީލު މީހުންގެ މައްޗަށް އެމުގައްދަސްބިން ސާޅީސް އަހަރު ވާންދެން ﷲ، ޙަރާމް ކުރައްވައިފިއެވެ. ﷲ އެކަން ކުރެއްވީ އެމީހުންނަށް ދެވޭނުދެވޭ ތަނެއް ނޭނގި، ﷲގެ ބިމުގައި ވިއްސިވިހާލިވެގެން އެބައިމީހުން ދިރި އުޅުމަށެވެ.

ބަނީއިސްރާއީލުގެ މިބައިމީހުން، ﷲ އަށް ނުކިޔަމަންތެރިވެ ފުރަގަސްދިނުމުން، މާތްވެގެންވާ އެބިން، ފަލަސްތީނު އިސްރާއީލުގެ ދަރީންނަށް ހަރާމް ކުރެއްވީއެވެ. ﷲގެ މިނިޔާ ނިންމެވީ މޫސާގެފާނުގެ ކުރެއްވިދުއާއަށް ފަހުގައެވެ.

ގުރުއާން ބެނެދެނީ، ﷲ ހަލާކުކުރެއްވި ރަށެއްގެ އަހުލުވެރިން އެނބުރި ނާންނާނެ ކަމަށް އެމީހުންގެ މައްޗަށް ކަނޑައަޅުއްވާފައި ކަމަށެވެ. ޔައުޖޫޖުމައުޖޫޖު ބާގައިގެ މީހުން ވީއްލި، ހުރިހާ އުސްތަންތަނުން ފައިބައިގެން އަތުވެއްޖައުމަށް ދާނދެނެވެ. ﷲ ހަލާކު ކުރައްވާއި ހަރާމްކުރެއްވި ރަށަކީ ގުރުއާން ބުނާގޮތުން. އެކިނަބީން ފޮނުއްވަވާއި ހުރުމަތްލެއްވި މާތްވެގެންވާ ބައިތުލްމަގްދިސްގެ ބިމެވެ. ފަލަސްތީނުގެ ބިމެވެ. މިހާރު އެކިޔާ ޖެރޫސަލަމެވެ. އިސްރާއީލެވެ.

ﷲ ހަރާމް ކުރެއްވީ އެރަށު އަހުލުވެރިން، ބަނީއިސްރާއީލު މީހުން ނުކިޔަމަންތެރިވެ، ﷲގެ އަމުރުފުޅުތަކަށް އަރައިގަނެ ކުށްކުރީމާއެވެ. ވީމާ ޔައުޖޫޖުމައުޖޫޖު ބާގައިގެ މީހުން ތިބިތާކުން ވީއްލިގެން ނޫނީ އިސްރާއީލަށް، އެރަށަށް އެމީހުންނަކަށް ނޭރޭނެއެވެ. މިއީ މިކަން ލިޔުއްވާފައި އޮތް ގޮތެވެ!

ފަހެ، އެމުގައްދަސްބިން ރާއްޖެއެއް ގޮތުގައި އެމީހުންނަށް ދެއްވީ، ﷲ އާއި އެމީހުންނަށް މަގުދެއްކުމަށް ފޮނުއްވި ނަބީންނަށް ތަބާވެ ރީތިކޮށް އެބިމުގައި ދިރިއުޅުމަށެވެ. އެހެނަސް އެމީނުން، ﷲގެ އަމުރުފުޅުތަކަށް ފުރަގަސްދީ، ބޮޑާވެގަނެ، އެމީހުންނަށް ފޮނުއްވުނު ނަބީންގަތުލުކޮށް މަރާއި ސޮލީބަށްލައި ހެދުމުން އެމީހުން މިނިކަމެތި ހާލުގައި އެރަށުން ނެރެލެވުނީއެވެ. ބޭރުކޮށްލެވުނީއެވެ. އަދި ވިސްސިވިހާލިވެގެން އެތަންމިތާގައި އުޅެންޖެހުނީއެވެ. މިކަމާ ހެދި، ﷲ އެމީހުންނަށް އެރަށަށް އެރުން، ޔައުޖޫޖުމައުޖޫޖު ވީއްލެންދެން ހަރާމްކުރެއްވީއެވެ!

ދެން އައީ މުއުޖިޒާތެއްގެ ގޮތުގައި ޚާއްސަ މުއުޖިޒާތްތަކަކާ އެކު އީސާގެފާނު އެބައިމީހުންނަށް ފޮނުއްވުމެވެ. އެއީ ވެސް، ﷲގެ މަގުޚިޔާރު ކުރޭތޯއެވެ. ބައްޕާފުޅަކައި ނުލާ މަރިޔަމްގެފާނުގެ ދަރިކަލެއްގެ ގޮތުގައި ބައްޕައަކާ ނުލައި ނަބީބޭކަލެއް ގޮތުގައި ޢީސާގެފާނު ފޮނުއްވުމެވެ. މަންމަގެ އުނގުގައި ވަރަށް ތުއްޕުޅު އިރު އެކަލޭގެ ފާނު ބަސްފުޅު ވިދާޅުވެ ވާހަކަދެއްކެވިއެވެ. ﷲގެ ނަބީއެއްކަމުގައި ވިދާޅުވެދެއްވިއެވެ.

އަދި އެކަލޭގެފާނުބޮޑުފުޅު ވުމަށް ފަހު، އަރިސްބޭކަލުން ކަމުގައިވާ ޙަވާރީންނަށް ވިދާޅުވިއެވެ! ﷲގެ ދަޢުވަތު އިއްވުމުގައްޔާއި، ﷲގެ ދީނަށް ނަޞްރުދިނުމުގައި ތިމަންކަލޭގެފާނަށް ޙިމާޔަތްދީ ތިމަންކަލޭގެފާނަށް އެހީތެރިވާނީ ކާކުހެއްޔެވެ؟ ޙަވާރީން ދެންނެވިއެވެ. ތިމަންމެނީ، ﷲގެ ދީނަށް ނަޞްރުދޭ މީހުންނެވެ. އެހެން ނަބީންނައި ޚިލާފަށް އީސާގެފާނު ފޮނުއްވުނީ ބޮޑެތި ދީންވެރީންނާއި ރައްބީންނާއި ރުހުބާނުންގެ އެދުރުންނާއި މާސިންގާ ކާހިނުންގެ ގާތަށެވެ. އެހެން ހުރިހާ ނަބީން ފިނުއްވުނީ ޝިރުކާއި ކުފުރާ ދެކޮޅަށެވެ.

ދެން އެއަށް ފަހު، ބަނީ އިސްރާއީލު މީހުން ދެބަޔަކަށް ބެހި ބައިވިއެވެ. އެއްބަޔަކީ އެކަލޭގެފާނަށް އީމާންވީ މީހުންނެވެ. އެއީ ޙަވާރީންނާއި އެކަލޭގެފާނަށް ތަބަޢަވީ ތެދުމަގު ޚިޔާރު ކުރި މީހުންނެވެ. އަނެއް ބަޔަކީ އެކަލޭގެފާނަށް ކާފިރުވީ މީހުންނެވެ. އެއީ ލަޢުނަތްލެއްވި ޔަހޫދީންނެވެ. މިދެބައި މީހުން ބެހުނު ދެބަޔަށް، ކިޔުނީ ނަސާރާއިންނާއި ޔަހޫދީންނެވެ! މިދެ ޖަމާއަތަކީ ވެސް އަހުލުކިތާބީންނެވެ! ސަމާވީ ފޮތުގެ އަހުލުވެރީންނެވެ!

އީސާގެފާނު ﷲގެ ދީނަށް ގޮވާލައްވާއި ރިބާގެ ހުރިހާއި ބާވަތަކައި ކަމެއް އެކުގައި ހުއްޓާލުމަށް އަމުރުކުރައްވައި ގޮވާލެއްވުމުން ފާޅުގައި ދެކޮޅުވެރިވެ ގަތުލުކޮށްލުމަށް ސޮލީބަށް ނެގުމުން އެކަމާ ދެރަވެ ރޮއި ލޮލުން ކަރުނަ ފޭބި މީހުންނަކީ ނަސާރާއިންނެވެ. އީސާގެފާނަކީ، ﷲގެ ނަބީއެއްކަން ދޮގުކުރި މީހުންނަކީ، އީސާގެފާނު ސަލީބަށް ނަގައި މަރާލެވުނީ ކަމަށް ނިންމި ނުބައިނުލަފާ ޔަހޫދީނެވެ.

މިއެންމެން ވެސް، ގުރުއާން ބާއްވާއިލައްވަންދެން ގަބޫލުކޮށްގެން ތިބީ އީސާގެފާނު ދަންޖައްސާއި މަރާލެވިއްޖެއޫ ކަމަށެވެ. އަދި މީގެ ފަހުން ގުރްއާނުގައި މިދެބައި މީހުންނަށް ދެވިފައި ވަނީ، ޔަހޫދު އާއި ނަސާރާއެވެ، ގުރުއާނުގައި ނަންގަނެވިފައި ވަނީ މިދެނަމުންނެވެ. މިގޮތަށް މިނަމެވެ. އިސްރާއީލުގެ ދަރިކޮޅު މީހުންނެކޭ އޭގެފަހުން އައިސްފައި ނުވެއެވެ!!

އާދެ! އާދަމްގެފާނުން ފެށިގެން ގުރްއާން ބާއްވާލައްވަންދެން ވެސް އަދި އޭގެ ފަހުން މިއަދާ ހަމައަށް ވެސް، ﷲގެ ބިމުގައި އޮތްތެދު ދީނަކީ އިސްލާމްދީނެވެ. އެހެން ހުރިހާ ދީނަކީ ގުރުއާނުގެ ކުރީގެ ސަމާވީފޮތްތައް ބަދަލުކޮށް އަމިއްލައަށް އުނިއިތުރުކޮށް އަމިއްލައަތުން ލިޔެގެން އުފައްދާފައިވާ ފަލްސަފީ ދީންތަކެވެ. މިހާރު މުޅިންހެން މަޝްހޫރުކޮށް އެފެންނަނީ އެފަދަ މަސްނޫއީ، ފަލްސަފީ ދީންތަކެވެ!

އެމީހުން، އާދެ، އިސްރާއީލުދަރިން، ޔަްހޫދީންނާއި ނަސާރާއިން އަމިއްލަ އެދުމާ އެއްގޮތަށް ސަމާވީ، އިލާހީފޮތްތައް ތަހުރީފުކޮށް ބަދަލުކޮށްގަތީއެވެ. ﷲ އަށް ނުކިޔަމަންތެރި ވީއެވެ. ނުލަފާވެގަތީއެވެ. މަގުފުރެދިގެން ގޮސްފައިވާ މި ޔަހޫދީންނަށް ހިދާޔަތު ދެއްވުމަށް މޫސާގެފާނަށް ފަހުގައި ވެސް އެކިނަބީން ފޮނުއްވުނެވެ. ﷲގެ މަގަށް، ﷲގެ ހިދާޔަތަށް އިސްރާއީލުގެ ދަރީން އެނބުރި އާދޭތޯއެވެ.

އާދެ! އެމީހުންގެ ތެރެއިން، އެމީހުންނަށް ފޮނުއްވުނު ނަބީއެއްކަމުގައި ޔޫޝައުގެފާނު "ޖޯޝައު" ނަބީއެއްގެ ގޮތުގައި ފޮނުއްވުނެވެ. ޔޫޝައުގެފާނު އެމީހުން ލީޑު ކުރައްވާއި ހިދާޔަތުގެ ޚަބަރުތައް މޫސާގެ ގޮތަށް ދެއްވިއެވެ. ވިދާޅުވިއެވެ. މުގައްދަސް ބިމަށް އެރުމަށް، ﷲގެމަގުގައި ޖިހާދު ކުރަމާ ހިންގާށެވެ. މިއީ މޫސާގެފާނާއި ހާރޫނުގެފާނު ވެސް ހިންގެވި މަގެވެ.

އަދި ތިޔަބައި މީހުންނަށް މަސީހާއެއް، އިބްރާނީބަހުން ނަމަ، "މަޝާއު" މަސީހުއްދައްޖާލެއް، ފޮނުއްވާނެތެވެ. އަދި އޭނާ ތިޔަބައިމީހުންނަށް ޒަމާނީ ތަރައްގީއާއި އެކި ހުނަރުތަކުގެ އަރާއިބާރު ހުރި ގައުމެއް، ހުކޫމަތެއް ބިނާކޮށް ދެއްވާނެތެވެ. މިހާރުގެ ޔަހޫދީން މަސީހުއްދައްޖާލު ގެނެސް ތިންވަނަޓޭމްޕަލް ބިނާކޮށް، ބޮޑުއިސްރާއީލު އުފައްދަން މިއުޅެނީ އެހެންވެ، އެފަދަ މަޝާއެއްގެ ވެރިކަމެއް ގައިމުކުރާށެވެ.

މުސްލިމުން ކޮންމެ ނަމާދެއްގެ ފަހުއައްތޮހިއްޔާތުގައި މަސީހުއްދައްޖާލުގެ ފިތުނައިން ސަލާމަތްކޮށް ދެއްވާއި ރައްކާތެރިކޮށް ދެއްވުމަށް އެދި ދުއާކުރަނީ މިދައްޖާލު، މަޝާއުގެ ފިތުނައިންނެވެ. ހުރިހާނަބީންނާއި އެންމެފަހުގެ ރަސޫލާ މުހައްމަދުގެފާނު ވެސް މަސީހުއްދައްޖާލުގެ މިފިތުނައިން ރައްކާތެރިވުމަށް ގޮވާލައްވައި އިންޒާރު ދެއްވިއެވެ.

މިވެރިންގެ އަގީދާއާއި މަގުސަދަކީ، އެފަދަ ދޮގުވެރިދައްޖާލަކު ވީހާ އަވަހަށް ގެނެސް ޔޫޝައުގެފާނުގެ ދެއްވި މިޚަބަރަށް ތަބާވުމެވެ. މިހާރު މިފެންނަ ހުރިހާ މަސައްކަތެއް މިކުރަނީ އެބޭނުމުގައެވެ. އެފަދަ ދައުލަތެއް އުފައްދާއި ދުނިޔޭގައި ގަދަފަދަ ވެރިކަމެއް ކުރާށެވެ. ފަހެ، އިސްރާއީލުގައި މިހާރު ފެންނާން އެތިބީ ކާފަރުވި ސަހްޔޫނީ ޔަހޫދީންނެވެ. އެއްވެސް ހާލެއްގައި އަސްލު ޔަހޫދީންނެއް ނޫނެވެ.

އެއީ ސަމާވީ އަސްލު ފޮތްތައް ކަމުގައިވާ ތައުރާތާއި އިންޖީލާއި ޒަބޫރަށް އީމާންވާ ބައިގަނޑެއް ނޫނެވެ! ފަހެ، އެއީ މާއްދީފަރާތެއް ކަމުގައިވާ ސެންޓާކުލައުސް އަށް އީމާންވެ، އޭނާއަށް ބޯލަނބާ ބައިގަނޑެވެ. ޝައިތޯނީ މާއްދީބާރުގެ ފަހުލަވާނުންނެވެ. ސުލައިމާނުގެފާނު ތަޚުތުގައި ސަވާރުވެ އިން ޝައިތޯނީ ޖަސަދަށް ތަބާވާ އިލްހާދީ މީހުންނެވެ. މުލްހިދުންނެވެ.

ސެންޓާކުލައުސް

މިއީ ދިމާ ރޫހާނިއްޔަތާ އިދިކޮޅެވެ. ދައްޖާލު ފަހުލަވާނުންނެވެ. ހުނަރުވެރިކަމާއި ޝައިތޯނީ ބާރުން ދުނިޔެއަށް ވެރިވާން ބޭނުންވާ  ގުރޫޕެވެ. ފަހުޒަމާނުގެ ދައްޖާލީ ބައިގަނޑެކެވެ. ދައްޖާލަކީ ދަޖަލް އިން އުފެދިފައިވާ ލަފުޒެކެވެ. ބަހެކެވެ. އޭގެ މާނައަކީ ވަރަށް ބޮޑަށް ދޮގު ހަދާ މީހާއެވެ. ދޮގުގެ ސަރުދާރެވެ. ކައްޒާބެވެ. ދޮގުގެ މާސްޓަރު ކަލޭގެއެވެ. މީސްތަކުންނަށް އޮޅުވާލައިގެން ބާރުހޯދާ ދޮގުވެރިޔާއެވެ.

އާދެ! އެ މީހުންނަކީ އެމީހުން ބުނެ، އަދި ގަބޫލުކުރާ ގޮތުގައި އިސްރާއީލުގެ ދަރީން ބޭރުކުރެވުނު ރަށް، ފަލަސްތީން، އެމީހުންގެ އަނެއްރާއްޖޭގެ މުގައްދަސް ބިމުގެ މިލްކުވެރިން ނޯލައެވެ. ފަލަސްތީނު ބިމަށް، މުގައްދަސްބިން، ހޮލީލޭންޑު، އަނެއްރާއްޖެ މިކިޔަނީ އެނބުރިއައިސް އެބިން މިލްކުކުރާށެވެ. ރައީސްނަޝީދު އެމްޑީޕީ ލީޑު ކުރެއްވި ދުވަސްވަރު އަނެއްރާއްޖެ ނަގައިގެން ބޭނުންކޮށް އުޅުނީ މިތަނުންނެވެ. އެއީ ދިވެހިންނަށް ފާކޮށްފައިވާ ސަހުޔޫނީބާރުގެ ޔަހޫދީއެޖެންޓެކެވެ. ފަލަސްތީނު މުގައްދަސް ބިމުގައި ބޮޑުއިސްރާއީލު ބިނާކުރަން އުޅޭ ދައްޖާލުގެ އަހުލުވެރިންނަކީ މިއީއެވެ.

ދެހާސް އަހަރަށް ވުރެ ގިނަ ވަންދެން ބިންމަތީގައި އެކިރަށްރަށުގެ އެތަންމިތާގައި ވިއްސިވިހާލިވެ އުޅެފައި ނުކުމެ  ބައިތުލްމަގްދިސް އަކީ އެމީހުންގެ މިލްކު ބިންކަމަށް ދައުވާކޮށް ވެރިވެގަންނަން ހަނގުރާމަ ކުރަމުން އެގެންދަނީ މިބައިގަނޑެވެ! މިއީ އެމީހުންގެ އަނެއްރާއްޖެ ފަލަސްތީނުގައި އަމިއްލަ ތަހުޒީބެއް އުފައްދާއި ބާރުވެރި ވެރިކަމެއް ގައިމުކޮށް އެއްޖިންސުން ކައިވެނިކޮށް ރަސްމީ ސެޓިފިކެޓް ހަދައިދީ، އިންސާނީ ދެޖިންސު އޮޅުވާލާއި ބޭނުންޖިންސަކަށް ބަދަލުވެގަނެ އެއީ ތަހުޒީބުކަމަށް ދެކި، މިނިވަން ލިބަރަލް ޑިމޮކުރަސީއަށް ގޮވާ، އަދި އެ ފަލްސަފާ މުޅި ދުނިޔޭގައި ފަތުރަމުންދާ ޝައިތޯނީ ބައިގަނޑެވެ!

ހަގީގަތުގައި ޔަހޫދީންގެ މިދަރިކޮޅަކީ ސަމާވީފޮތެއް ބާއްވާލައްވާފައި ނެތް ވަކިވެގަނެގެން އުޅުނު މާވަރުގަދަބައެކެވެ. ފަރުބަދަމަތީ ގަބީލާއެއްގެ ދަރިކޮޅެކެވެ. އާޒަރުބައިޖާން، ބާކޫގެ އުސްފަރުބަދަތައް މަތީ ހިސާބެއްގެ "ޚަޒާ" ކިޔުނު އަވަށަކަށް ނިސްބަތްވާ އަޝްކިނާޒީންނޭ ކިޔާ އުޅޭ ޔަހުދީންނެވެ. ގޫގުލްކޮށް ލުމުން ވެސް މިވެރިންގެ ވަނަވަރު ނަސްލަށްދާންދެން ބުނެދޭނެއެވެ.

މިއީ ގުރުއާނުގައި ނަންގަނެވިގެންވާ ޒުލްގަރުނައިންގެފާނު މަޣްރިބާއި މަޝްރިގުގެ ދެކަނޑާއި އަދި ފަރުބަދަތަކުން ޝިމާލަށް، މައްޗަށް ކުރެއްވި ދަތުރުގައި ދިމާވި ގަބީލީބައެއްގެ އެދުމަށް ދަނގަޑުފިލާ އާއި ލޮއި މައުދަނު ވިރުވައިގެން ފާރެއް ބިނާކޮށްދެއްވައި ހިފޭއްޓެވި ޔައުޖޫޖުމައުޖޫޖު އޭ ކިޔުނު އާދަމުގެދަރިކޮޅުން އައިސް ތިބި، އިންސާނުން ދިރިއުޅެމުން ގެންދިޔަ އަވަށެވެ. ޖިންނީންނެއް ނޫނެވެ. އަދި އެހެން ޕުލެނެޓެއްގެ އެހެން މަޚްލޫގެއް ވެސް ނޫނެވެ. މިކިޔާ އުޅޭ، އަދި މިހާތަނަށް ހަގީގަތް ހޯދިފައި ނުވާ، ގޮތް ނޭންގޭ އޭލިއަނުންނެއް ވެސް ނޫންމެއެވެ.

ބުޚާރީ އާއި މުސްލިމް ރިވާކުރެއްވި ރަސޫލާގެ ސައްހަ ހަދީސްފުޅެއްގައި ޒުލްގަރުނައިން ބިނާކުރެއްވި ވަރުގަދަ އެފާރުގައި ލޯވަޅެއް އެޅި އެފާރުން، ބަންދު ކުރެވިފައި ތިބި، ޔާޖޫޖުމައުޖޫޖު ބާގަ ވީއްލިއްޖެ ކަމަށް ވަނީ، ހަދީސް ކުރައްވާފައެވެ. މިހަދީސްފުޅު ކުރެއްވީ ރަސޫލާ އެއްފަހަރެއްގައި ނިދިންހޭލައްވައި ކުއްލިހައިރާން ކަމެއް މަތީގައި އިންނަވައެވެ. ނިއްކުރިފުޅާއި މޫނުފުޅުމަތިން ގޮއްދާފޮދު އައިސް ހާސްކަންމަތީ އިންނަވައި ކުއްލިއަކަށް އަތްޕުޅުން މޫނު ފޮއްސައި ލެއްވުމަށް ފަހު ވިދާޅުވަނީ، "ވައިލުންލިލްއަރަބް" އަރަބިންނަށް ހަލާކު ހުރި މިހެންނެވެ.

މިގޮތަށް ހާސްކަންމަތީ އިންނަވައި ތިންފަހަރަށް "ވައިލުންލިލްއަރަބް" ތަކުރާރުކޮށް ވިދާލު ވުމުން، އެވަގުތު އަރިހުގައި ކައިރީގައި އިންނެވި އަނބިކަމަނާ ޒައިނަބު ބިންތު ޖަހުޝް، ވާނުވާ އެއްސަވާއި ސުވާލު ކުރެއްވިއެވެ. ދެން ކީރިތި ރަސޫލާ ބަޔާންކޮށް ދެއްވީ އަތްފުޅުން އިޝާރާތް ކުރައްވަމުން، ޒުލްގަރުނައިންގެފާނު ބިނާކުރެއްވި އެ ފާރުގައި އެޅުނު ލޯވަޅުގެ ވާހަކަފުޅެވެ.

ދެން އެއަށްފަހު ވާނީ ކިހިނެތް ތޯ އެކަމަނާ ސުވާލު ކުރެއްވުމުން ހަދީސްކުަރައްވާއި ވިދާޅުވީ މިބާގައިގެ މީހުން އެކި ރަށްތަކަށް ފެތުރި ރިބާ، އާންމުކޮށް އިގްތިސާދީ މައީޝަތުގެ ނިޒާމް ޚަރާބުކޮށް އެމީހުންގެ ފައިދާ އާއި މަންފާއަށް މާލީނިޒާމު ބަދަލުކޮށް ލާނެތެވެ. މިހާރު މިގެންގުޅޭ ފައިސާގެ ނިޒާމަކީ އެމީހުންގެ އުފެއްދުމެކެވެ.

ރަންރިހި އެއްކޮށް ހިފާއްޓާއި ކަރުދާސްނޫޓު ހަދާއި އެމީހުންގެ މަރުކަޒީ ބޭންކު މެދުވެރިކޮށް ނޫނީ، މާލީ އެއްވެސް ކަމެއް ރާވައި ނުހިންގޭ ގޮތަށް، އަދި ބައިނޭޅޭ ގޮތަށް ދިރިއުޅުމުގެ އެވެސްކަމެއް، އަދި ފިޔަފާރި ނުކުރެވޭ ގޮތަށް މާލީނިޒާމު ބަދަލުކޮށްލީއެވެ.

އާދެ! މަޝްހޫރު އެހަދީސްފުޅަކީ ވައިލުލްލިލްއަރަބި ނަމުން މަޝްހޫރުވެފައިވާ ހަދީސްފުޅެވެ. މިއީ ބުޚާރީމުސްލިމް ރިވާކުރެއްވި ހަދީސްފުޅެކެވެ. ސައްހަ ހަދީސްފުޅެކެވެ. ތާރީޚީގޮތުން މުއައްރިޚުން ލިޔުއްވާ ގޮތުގައި މިހަދީސްފުޅު ކީރިތިރަސޫލާ ހަދީސް ކުރެއްވި ދުވަސްވަރައި އާޒަރުބައިޖާން، ބާކޫ ސަރަހައްދު ހިމެނޭ ކެސްޕިއަންކަނޑުން ފެނުގެ ބޮޑުސައިލެއް، ސުނާމީއެއް އެރި ދުވަސްވަރައި ދިމާވެއެވެ.

އެފާރު ގެއްލިދިޔައީ މިސޭލު، ފުލަޑުގެ ވަރުގަދަ އޮއިވަރުގައި ބެހިގެން ދިޔަފެގަނޑާ އެކުގައި ކަމަށް ބެލެވިދާނެއެވެ. މިހާރަކު މިފާރު ފެންނާކަށް ނެތެވެ. އެހެނަސް ޚަޒަރު އަވަށުގެ، އަޝްކިނާޒީ ފަރުބަދަމަތީ ޔަހުދީން ދިރިއުލޭ އަވަށް ފާހަގަ ކުރެވެއެވެ.

ދަންނާށެވެ! ހަގީގަތުގައި އެ އުސްފަރުބަދަ ތަކުގެ މަތީގައި ދިރިއުޅެމުން ގެންދިޔައީ ޒުލްގަރުނައިން ބިނާކުރެއްވި ފާރުގައި ލޯވަޅެއް އެޅި އެފާރު ގެއްލިދިއުމުން ނުކުތް ޔައުޖޫޖުމައުޖޫޖު ބާގައިގެ ދަރިކޮޅެވެ. މިދަރިކޮޅަކީ ފަރުބަދަމަތީ ޔަހޫދީންގެ ގޮތުގައި ތާރީޚުގައި މަޝްހޫރުވި މީހުންނެވެ. ކުރީޒަމާނުގައި މިގަބީލާ ދިރިއުޅެމުން ގެންދިޔައީ މުޅިން ވަކިންނެވެ. އެހެން އިތުރުބަޔަކައި މަސްހުނި ނުވެއެވެ. އިތުރު މީހަކަށް މިގަބީލާ އައި ގުޅުނަކަ ކަނުދެއެވެ.

މިގަބީލާއިން ބޭރު މީހަކައި ކައިވެނި ކުރުން މުޅިން މަނަލެވެ. އެހެނަސް ފަހަކަށް އައިސް އެގަބީލާއައި އެހެން ފަލަސްތީނުގެ މުގައްދަސް ބިމުން ނެރެލެނު ޔަހޫދީންނާ ގުޅި ބައިބޮޑުވީއެވެ. ސަމާވީ ފޮތުގެ އަހުލުވެރި ޔަހޫދީންނާއި މިގަބީލާގެ އަޝްކިނާޒީޔަހޫދީން މަސްހުނިވެ ގުޅުނީއެވެ. ދެން ފަހަށް އައިސް ސަމާވީފޮތްތަކުގެ ދީން އެކުގައި ގެއްލި ދިޔައީއެވެ.

އަދި ބޮޑެތި ފައްޅިތައް ބިނާކުރެވި ރައްބީންނާއި ރާހިބުންގެ އެދުރުންނާއި ފާދިރީންތައް ގިނަވެ ދީންބައިބައިކޮށް ގަތުމުން މިއެންމެން ގަބޫލުކުރާ ފަލްސަފާއެއް ވުޖޫދުކުރީއެވެ. އަދި މިގުރޫޕުތައް އެކުގައި ގުޅިގެން ކުރިޔަށް ދާނެ އަސްލުތަކެއް، ޕުރޮޓޮކޯލެއް ލިޔެ އަމަލުކުރަން ފެށީއެވެ. މިހާރުވެސް އަސްލަކަށް މިވެރިން ބަލައި ތަބާވަނީ އެ ޕުރޮޓޮކޯލްތަކެވެ.

ގުރްއާނުގައި ވާގޮތުން، ބަނީއިސްރާއީލު، ޔަހޫދީ ދަރީން ދެފަހަރެއްގެ މަތިން ބިމުގައި ފަސާދަކުރާނޫއެވެ. އަދި ހަމަކަށަވަރުން، ބޮޑުވެގެންވާ ބޮޑާވުމަކުން އެޔަބައިމީހުން ބޮޑާވާނޫއެވެ. ފަޚުރުވެރިވެ ބިމުގައި ފަސާދަ ބަރުޕާ ކުރާނޫއެވެ. އިސްރާއީލު ދަރީންގެ ފަރާތުން ފެނިގެންދާނެ ފަސާދަތަކާއި ބޮޑެތި ޖަރީމާތަކުގެ ވާހަކަތައް، ﷲ ވަނީ އެބައި މީހުންނަށް ބާއްވާލެއްވި ފޮތްކަމުގައިވާ ތައުރާތުގައި ޚަބަރު ކުރައްވާއި ނަބީބޭކަލުން ފޮނުއްވައިގެން އަންގަވާފައެވެ.

އެއީ އެބައިމީހުން، އެކަމުގެ ބިރުވެރިކަން އިހުސާސްކޮށް ފަސްޖެހޭތޯ، އެފަސާދަތައް ކުރުމުގެ އުގޫބާތުގެ އިންޒާރު ދެއްވީއެވެ. ތަކުރާރުކޮށް ހަނދާންކޮށް ދެއްވީއެވެ. އެހެނަސް ތަކުރާރުކޮށް ގިނަގިނައިން ފުރުސަތުދެއްވުމުން ވެސް މިމީހުން އެކަން ބަލައެއްނުގަތެވެ. ބޮޑާބެގަތީއެވެ.

އެއްގޮތަކަށް ވެސް އެބައިމީހުން އެކަމުގެ ބިރުވެރިކަން އިހުސާސެއް ނުކުރިއެވެ. އަދި އެ ފަސާދަތައް ކުރުމުން ފަސްވެސް ނުޖެހި އޭގައި ދެމިތިބީއެވެ. އަދި ފަލަސްތީނާއި އެރަށުގެ ވަށައިގެންވާ ތަންތަނުގައި ބޮޑު މާސިންގާ ފަސާދައަކުން ފަސާދަ ކުރީއެވެ. އެންމެ ފުރަތަމަ ފަސާދަ އަކީ ތައުރާތުގެ ހުކުމްތަކާ ޚިލާފުވުމެވެ. އަދި ދެން ކުރި ފަސާދަ އަކީ ޒަކަރިއްޔާގެފާނާއި ޔަހުޔާގެފާނު ގަތުލުކޮށް ލުމެވެ. އަދި އީސާގެފާނު ސަލީބަށް ލާއި ގަތުލުކުރަން އުޅުމެވެ. ފަހެ، މިއިންކޮންމެ ކަމަކީ ނުލަފާ ކަމުގައި ހައްދުފަހަނައަޅައި ދިއުމާއި ފަސާދަ ކުރުމުގެ ތެރޭގައި ހިމެނޭ ބޮޑެތި ނުބައި އަމަލުތަކެވެ.

ﷲ ހަރާމްކުރައްވާފައިވާ ކަންކަމަށް އަރައިގަނެ މުގައްދަސް ބިމުގައި ލޭއޮހޮރުވާއި ނަބީބޭކަލުން ގަތުލުކުރުމުން، އެބައިމީހުންގެ މައްޗަށް، ﷲގެ އަޅުންގެ ތެރެއިން ވަރުގަދަ ބާރުވެރިވެގެންވާ ޖައްބާރު ބަޔަކު، ﷲ ފާކުރެއްވިއެވެ. އެމީހުން ހެދުނާއި ހަވީރު އައިސް ޔަހޫދީންގެ ގެތަކަށް ވަދެ ފާސްކޮށް އެބައި މީހުން ގަތުލުކޮށް މުދާތައް ފޭރިގަތެވެ.

ދެން ތިބި މީހުން ގެދޮރުން ނެރެލައިގެން އިރާގަށް، ގެންދިޔައީއެވެ. މިއީ ﷲ އެމީހުންނަށް ނިންމަވާފައި އޮތް ގޮތެވެ. ﷲ ޔަހޫދީންގެ މައްޗަށް މިފަހަރު ފާކުރެއްވީ، އިރާގުގެ ބާބިލްކަރައިގެ މަޖޫސީ ބުޚްތުނައްސަރު އޭ ކިޔުނު ބާރުވެރި ނުލަފާ ރަސްކަލެކެވެ. އޭރު އެމީހުން ތެރޭގައި ނަބީއަކަށް ހުންނެވީ އިރުމިއާގެފާނެވެ.

ދެން އެއަށްފަހު، ޔަހޫދީން ދިރިއުޅެމުން ގެންދިޔައީ ބާބިލުގައެވެ. ބުޚްތުނައްސަރު ގިނަބަޔަކު މަރާއި ސުންނާފަތި ކުރުމަށް ފަހު، ދެން ތިބި ބަޔަކު ތެރޭގައި ތިބި ލަފާ މީހުން އޭނާއާ އެކު ބާބިލަށް ގެނައެވެ. އޭގެ ތެރޭގައި މަޝްހޫރު ދާނިއަލްނަބީ ހިމެނުނެވެ. ބާބިލަކީ އެއީ ބޮޑު ދެކޯރެއްގެ ދެމެދަށްވާ ރަށަކަށް ވާތީ ވަރަށް ބިންގަނޑު ރަނގަޅު، ފެހި ހިސާބެކެވެ. މިމީހުން ބާބިލްގައި އުޅުނީ، ބާބިލުގެ އަހުލުވެރީންގެ އަޅުންގެ ގޮތުގަ އާއި ނޯކަރީންގެ ގޮތުގައެވެ.

ބުޚުތްނައްސަރު ބާބިލްގެ ޖައްބާރު ރަސްހެފާނު

ދެން ވެސް، ﷲ އަށް، އަމުރުފުޅުތަކަށް ފުރަގަސްދީ، ބަސްނާހާއި މަގުފުރެދުމުން، ގުރުއާން ބުނާ ގޮތުގައި، ކުރިން ނަންގަނެ ވުނު، ޔޫޝައިއޭ ކިޔުނު ނަބީއަކު، ﷲ ގެމަގަށް ގޮވާލެއްވުމަށް އިސްރާއީލުދަރިކޮޅަށް މޫސާ އާއި ހާރޫނުގެފާނަށް ފަހު، ފޮނުއްވުނެވެ. ނަބީޔޫޝައިގެފާނު އެބައި މީހުން އެނބުރި ނެރެލެވުނު މުގައްދަސް ބިމަށް އެނބުރިދާނެ ކަމާއި ކަލޭމެންނަށް ހިދާޔަތުގެމަގު ދައްކާނެ މަސީހާ އަކު އަންނާކެކަމުގެ ޚަބަރުތައް ދެއްވީ ކުރިން ލިޔެވުނު ފަދައިން ޔޫޝައުގެފާނެވެ.

އަދި ބަނީއިސްރާއީލު ދަރީންނަށް މުގައްދަސްބިމުގައި އަޅުކަން ކުރާނެ ހައިކަލެއް މިސްކިތެއް ބިނާކޮށ ދެއްވުމުން ވެސް މިވެރިން މަގުފުރެދުމުގައި ދެމި ތިބީއެވެ. އަދި މިނަބީ ޔޫޝައު އަކީ މިވާހަކަ ދައްކަން އަނެއްކާ ކާކުހޭ ކިޔާފައި ކީސްތައް ހިފައިގެން ނުކުމެ ޔޫޝައުގެފާނަށް ހަމަލާދީ، ކީހާލައި ގަތުކުރީއެވެ. މިއީ، ﷲގެ ބިމުގައި މަގުފުރެދުމުގެ ނަމޫނާ މިސާލުވެރި ބައެކެވެ.

ދެން ވެސް ނާފަރުމާނީގައި ދެމިތިބެ ނަބީން ގަތުލުކޮށް ހެދުމުން، ދެވަނަށް ފޮނުއްވި ބާރުވެރިރަސްކަލަކީ ފާރިސްކަރައިގެ ސައިރަސްއަލްއައުޒަމް އެވެ. މިޖައްބާރު ބާރުވެރި ރަސްގެފާނު ވެސް މުގައްދަސް ބިމަށް އަރާއި ޔަހޫދީން މަރާއި މުގައްދަސް ބިމާއި އަދި ބަބިލްކަރަ ވެސް ފަތަހަކޮށް ހިފޫއެވެ.

ފާރިސްކަރައިގެ ރަސްކަންކުރެއްވި ވަރުގަދަ ރަސްގެފާނު ސައިރަސް އަލްއައުޒަމް

އާދެ، ޔަހޫދީންގެ މިގުރޫޕަކީ އިސްރާއީލާއި އެމެރިކާ އުފެއްދުމުގެ އަސްލު ހަގީގީ ބާގައެވެ. އަދި މިހާރު މިކިޔާ މޮޑާން ވެސްޓާން ސިވިލައިޒޭޝަން އީޖާދުކުރި ބައިވެރީންނެވެ. ފަހެ، ސަހުޔޫނީޔަހޫދީންނަކީ މިތަހުޒީބުގެ ބާނީންނެވެ.

މިހާރު މިއިން މީހެއްގާތުގައި ތިޔައީ ކޮންދީނެއްގެ ކާކުތޯ ސުވާލުކޮށްލައިފި ނަމަ، ފަޚުރުވެރިކަމާ އެކު ބުނާނީ "އައި އެމް އަ ބުރިޓިޝް" ނޫނީ "އައި އެމް އަ އެމެރިކަން" ނޫނީ "އައި އެމް އަ އިސްރާއީލީ" އެވެ. އަހުރެންނަކީ ޔަހޫދީ، ޖޫ އެކޭ ނޫނީ، ކުރިޝްޓިއަނެކޭ ނޫނީ، އެހެންމަޒުހަބެއްގެ މީހެކޭ ނުބުނާނެއެވެ.

މިމީހުން ދިނިޔެއަށް ގެނައި އާތަހުޒީބަކީ ދުނިޔޭގައި އޮތް އެކިއެކި ސަގާފަތުގެ ދަރިކޮޅުތައް ދިރިއުޅުމަށް ވަކި ހުދޫދެއް ހިމެނޭ ސަރަހއްދީ ބިންތައް ކަނޑައިދީ އެމީހުންގެ އަމިއްލަ ތަހުޒީބައިގެން ކުރިޔަށް ދާނެ މަގު ދެއްކީއެވެ. އަރަބީންނަށް ކަރައެއް ފާރިސީންނަސް ކަރައެއް މިހެންގޮސް މިގޮތަށެވެ.

ކަރުދާސް ފައިސާ އުފައްދާއި ރިބާގެ ވިޔަފާރި އާންމުކޮށް އަންހެނުން ނެރެ ތުނބުގައި ސިނގިރޭޓު ޖައްސާއި އަންހުނުންގެ ރީތީގެ މުބާރާތްތައް ދެފޮތިކޮޅެއްގެ ނިވާކަންމަތީގައި ތިބެގެން ސޫރަ ދައްކާލެވޭ ގޮތްތައް ތައާރުފު ކުރީއެވެ. އަދި ޖިންސުންލަތީފުންގެ ބޮޑުވައި އިނގިލިން ފެށިގެން ބޮލު އިސްތަށިގަނޑައި ހަމައަށް ޒީނަތްތެރި ކުރުމުގެ ސާމާނުތައް ތައާރުފުކޮށް އުފައްދާއި އެފިޔަފާރި ފެށީއެވެ.

ހަށިތައް ވެސް އެމީހަކު ހިތްހަމަޖެހޭ ޖިސްމަކަށް، ބައްޓަމަކަށް ބަދުލުކުރަން ފެށީއެވެ. އޮރިޔާމުން އުޅެވޭނެ ރީތި ގޮނޑުދޮއްތައް އުފެއްދީއެވެ. މިއީ، 1917 ގައި ބަލްފޯ އެއްބަސްވުމަށް ފަހު އުފެދިގެން އައި ތަހުޒީބެވެ. މިޒަމާނީ ތަހުޒީބުން ހިންގީ ދުނިޔެ ފަސާދަކުރުމުގެ ބޮޑެތި ދައްޖާލީ ޖަރީމާތަކެވެ.

ބަލްފޯގަރާރު

މިހިސާބުން ސަހުޔޫނީންގެ ފައުޖުތައް ތަލްއަވީވަށް އަރައި ވަޒަންވެރިވާން ފެށީއެވެ. އަދި ޔަހޫދީންގެ ތެރެއިން ހިޖުރަކުރާ މިގުރޫޕުތައް ވަޒަންވެރި ކުރުމަށް ކަރަދު ޚަރަމުން ގެންދިޔައީ ރޮތްޝީލްޑު އާއިލާގެ އިނގިރޭސި ސައުދާގަރުންނެވެ. އިބުރާނީ ބަސް ކިޔަވައިދިނުމާއި ބައިލޮޖިކަލް ހަތިޔާރުތައް އުފެއްދުމުގެ އިލްމީމަރުކަޒުތައް ގައިމުކުރަން ފެށީއެވެ. އަދި އެކިއެކިބަހަނާތައް މެދުވެރިކޮށް ހަނގުރާމަކޮށް ބިންބޮޑު ކުރަންފެށީއެވެ.

މިމީހުންގެ އެންމެ ނުލަފާކަމަކީ، މުސްލިމުންލައްވާ އިސްރާއީލުގެ ސިއްރު މަގުސަދުތައް ހިމާޔަތް ކުރުމެވެ. އިބްރާހީމްއެކޯޑޭ ކިޔައިގެން ކުރަންމިއުޅެނީވެސް އޭގެ ތެރެއިންވާ ރޭވުމެކެވެ. އިނގިރޭސިން ބައިތުލްމަގްދިސް ބިން ފަތަހަކުރި ޖެނެރަލް އެލަންބީގެ ފައުޖުގައި އިންޑިއާގެ ލަޝްކަރުގައި މުސްލިމް ފައުޖީން ހިމެނުނެވެ. އެގޮތުގެ މަތިން މިހާރުވެސް ބޭނުންވަނީ މުސްލިމް ގައުމުތަކުގެ ސިފައިން ގެންގޮސްގެން އިސްލާއީލުގެ މަގްސަދުތައް ހިމާޔަތް ކުރާށެވެ.

އާދެ! އީސާގެފާނު ދެމަލާއިކަތުންގެ އެހީގައި އެނބުރި މި ދުނިޔެއަށް ވަޑައިގެން މަހްދީގެފާނު އިސްވެ އިމާމަކަށް ހުންނަވައި އީސާގެފާނައި އެކު ހުރިހާ މުސްލިމުން އެކުގައި ޖަމާއަތުގައި ފަތިސްނަމާދު ކުރައްވާނެތެވެ. އޭރު އެމިސްކިތުގެ ބޭރުގައި އެއްލޮލުގެ އަހުލުވެރި ހަގީގީ މަސީހުއްދައްޖާލާއި ލައުނަތް ލެއްވުނު ޔަހޫދީންގެ ލަޝްކަރުތައް އެމިސްކިތުގެ ސަރަހައްދު ބޭރުން ވަށާލާފައި ވާނޫއެވެ.

މަހުދީގެފާނު އިސްވެ ހުންނަވައި ކޮށް ދެއްވާ ފަތިސްނަމާދަށް ފަހު އީސާގެފާނު މިސްކުތުން ބޭރު ބަލާލެއްވުމާ އެކު އީސާގެފާނުގެ ރޫހާނީ ނޫރުފުޅުގެ ބާރުން މާއްދީ ޝައިތޯނީބާރުގެ ހަގީގީޖައްޖާލުގެ ބާރު ވިރެން ފަށާނޫނެވެ. ދެން އެލަޝްކަރުގެ މައްޗަށް، ﷲ މަތިން ފޮނުއްވާ ވަރުގަދަ ބައްޔެއް ކަންދުރާއިން މައިބަދައަށް ޖެހި މުޅި އެލަޝްކަރު އެކީގައި މަރުވެ ނެތި ދާނީއެވެ.

ދެން އައަށްފަހު، މަހުދީގެފާއި އީސާގެފާނާ އެކު ހުރިހާ މުސްލިމުން އެކުގައި ސުލްހަވެރި ދުވަސްތަކެއް، ހިދާޔަތާއި ތެދުމަގު މަތީގައި އެންމެހާ މީސްތަކުން ދެކޭނޫއެވެ. މިދެނަބީބޭކަލުންގެ ގިޔާދަތުގައި މިކަން މިގޮތަށް އެންމެން ގުޅި އެކުވެގެން ހިނގާނެ ކަމަށް ގަބޫކުރާ ފަޅީގައި މިއަދު މިދުނިޔޭގައި ތިބީ، އިސާގެފާނު ދުނިޔެއަށް ވަޑައިގަތުން ގަބޫލުކުރާ ރަޝިޔާއާއި އެމީހުންގެ ބައިވެރިންނެވެ!!

ފަހެ، ﷲގެ ބަސްފުޅަކީ މިއެވެ:-

ފަހެ، إيمان ވި މީހުންނަށް، އެމީހުންގެ އަދުއްވުންގެ މައްޗަށް ތިމަން، ﷲގެ ގަދަކަން ދެއްވީމެވެ. ފަހެ، އެމީހުންވީ، ބާރުލިބި، މަތިވެރިވެގެންވާ ބަޔަކު ކަމުގައެވެ! އާދެ! ކާފިރުވީ މީހުންގެ މައްޗަށް މުއުމިނުންނަށް ނަޞްރުދެއްވީމެވެ! ފަހެ، އީމާންވެ މުސްލިމްވީ އެބައިމީހުންވީ ގަދަކަން ލިބިގެންވާ މަތިވެރި، ﷲގެ އަޅުންކަމުގައެވެ! އަބަދުވެސް ކާމިޔާބު ލިބި ގަދަކަން ލިބި ނަޞްރުލިބެނީ ޙައްޤުމަގުގައި ދެމި ތިބޭ މީހުންނަށެވެ!

ﷲ ވަހީ ކުރައްވާފައިވަނީ: وَإِنْ عُدتُّمْ عُدْنَا "އަދި ތިޔަބައިމީހުން (ފަސާދަކުރުމަށް) އެނބުރި އަތުވެއްޖެނަމަ، ތިމަންރަސްކަލާނގެ (عقوبات ދެއްވުމަށް) އެނބުރި ވޮޑިގެންވާ ހުރީމެވެ. އަދި كافر ންނަށް ހުރަގެއެއް ކަމުގައި، ތިމަންރަސްކަލާނގެ ނަރަކަ ލެއްވީމެވެ!"

ވީމާ ބައިތުލްމަގްދިސް އަކީ ކާފިރުވީ ލައުނަތްލެއްވި ސަހްޔޫނީ ޔަހޫދީންގެ ބިމެއްނޫނެވެ. އީމާންވީ މުސްލިމް މުއުމިނުންނަށް ބަރަކާތްލެއްވި ހުރުމަތްތެރި ވެގެންވާ މާތްބިމެވެ! އެއީ ތާއަބަދަށް ހުރުމަތްތެރި ކުރެއްވި ބިމެކެވެ! އޭ! އަޅަމެންގެ ވެރި، ﷲ އެވެ!! ﷲގެ ދީނަށާއި، ފޮތަށާއި، ހެޔޮލަފާ އަޅުންނަށް ނަޞްރުދެއްވާނދޭވެ! އާމީން!!